Flughótel er glæsilegt hótel miðsvæðis í Keflavík í aðeins nokkurra mínútna fjarlægð frá Flugstöð Leifs Eiríkssonar. Á hótelinu eru 60 herbergi: 39 standard herbergi, 18 ný deluxe herbergi og 3 junior svítur.
Á Flughóteli er fyrsta flokks veitingasalur og bar. Í byggingunni er líkamsræktaraðstaða með heitum potti, gufu og nuddaðstöðu. Bílaleigur eru í nágrenninu sem útvega bíla að hótelinu. Hótelgestum stendur til boða að geyma bílinn sinn í upphitaðri bílageymslu á meðan þeir eru erlendis.
Flughótel er kjörinn staður fyrir mannamót, hvort sem um er að ræða árshátíðir, óvissuferðir eða annað, enda boðið upp á allt sem þarf til að halda velheppnaða samkomu.